今次繼續談談英國的手機計劃 合約形式 ; 費用 ; 機場買 Sim 卡 ; 歐洲漫遊 ; 跟機?不跟機? ; 合約形式 英國和香港差不多, 一樣有: 跟機月費 (Monthly Plan). 要簽約 Sim 卡月費 (Sim-only). 要簽約 不過, 還有一個不跟機和不用簽約的 Pay As U Go (PAUG) 計劃. 在香港, 如果你不上台, 不簽約, 手機費用基本上是天價. (當然上台還可能是為了換新手機) 但是在英國, PAUG 其實和簽約價差不多. IT狗便是用了 Giffgaff 的 PAUG 計劃, 每個月付款, 還可以自由轉用便宜計劃 (在香港由貴 plan 轉便宜 plan 理論上是不可能, 除非直接轉台). 費用 以 Giffgaff PAUG 月費為例 (其他大台如 Vodafone 和 EE 會略貴, 但不會差太多): 10鎊有 2GB 4G + 500分鐘 20鎊無限 4G 數據通話 4G Plan 雖然好像比香港的 88元窮人恩物 Plan 略貴, 但請注意: 不用簽約, 下個月隨時轉台 首 6GB 是真正 4G, 之後才限速. 香港是 2GB... 如果用爆數據, 它會立即 Cut Data. , 你可以立即續期, 不用等下個月. 沒有香港 Shocking Bill 的問題 若不想續期, 亦可以存錢入 Credit Account, 逐分鐘 / MB 計. 1MB 只需 5便士. 用光了 Credit 便 Cut Data. 以上四點, 秒殺香港的服務質素... 機場買 Sim 卡 大家一下機, 會見到很多電訊供應商攤位. 如果大家沒必要的話, 千!萬!不!要! 光顧他們買SIM卡. 到了市中心後, 隨處可見一樣的店舖, 但價錢便宜一大截. 歐洲漫遊 由2017年6月開始, 英國 Sim 卡可以在大部份的歐洲國家使用, 而且不用額外付錢, 計算在本身的月費之中. (歐洲很多分店的 Vodafone 和 3 UK 的優勢即時消失...) 跟機?不跟機? 在香港, 除了用窮人恩物 Plan 外, 大部份人都用跟機 Plan. 因為扣除月費後, 變相用折扣買新手機. 但這個策略在英國行不通. 跟機 Plan 和 Sim Only Plan + 剩買手機是...

幾經辛苦, 終於"夾"埋我心愛既小喵黎到人生終極既旅行目的地 - 歐洲, 仲可以留幾年 喪玩 努力工作. 諗起唔駛交稅俾政府 整大白象工程 建設香港, 係開心仔既. 坐左十幾粒鐘飛機, 兩個吽吽斗斗咁黎到雖然得兩條跑道, 但都比赤蠟角起三跑之後更有效率既Heathrow Airport. 第一時間當然查下去倫敦市中心既交通啦. 撇除D大路野即係的士 / Uber (無錯, 英國無拉人封艇呢回事) / 行路, 基本上有以下幾種方法: 1. 機場快線 ( Heathrow Express ) 最快但係最貴. 聲稱15分鐘可以到倫敦既Paddington地鐵站 (Tube Station). 由於IT狗'那有錢', 所以無搭 2. 地鐵 ( Tube ) 倫敦地鐵叫Tube, 相傳因為隧道半圓型似一條水管. 不過都聽過有人叫 Metro / Underground (可能抄美國叫法). 機場係地鐵藍色線既終點. 由機場站去到市中心 (例如同一條線既King's Cross Station) 大概70分鐘. 跟住你就可以衝去9 3/4 月台 轉魔法列車去霍格華滋 拍照留念... 3. 機場巴士 (Coach) 如果想平D可以揀旅遊巴 ( National Express ), 座位大而舒服, 而且有好多倫敦以外既線, 由近近地既Oxford到中部既Manchester都有 (坐6個鐘...), 唔駛拎住D行李轉黎轉去. 不過有可能會塞車, 脫班, Delay (個司機仲會寸9你或者唔理你), 滿座, etcetc 4. 本地紅巴士 (Local bus) 如果想體驗下充滿英倫風既雙層紅巴士可以一試. 時間最耐但價錢最平. 不過由於IT狗仲未熟路線, 而且遲下係倫敦大把機會坐, 所以無揀到 如果真係要搭, 記得問清楚個站既 symbol, 倫敦所有巴士站都會用英文字母做標記, 例如A, B, C. 用黎識別同一條街既唔同巴士站, 一清二楚 揀好交通公具, 只要係機場跟住頭頂既指示牌就得, 呢個就唔再講啦... 補充 1. 如果選擇搭地鐵或者紅巴士, 強烈建議係地鐵站出番張八達通 ( Oyster Card ). 佢唔似香港可以用黎買野同食野, 佢只可以用黎搭地鐵, 巴士, 同埋少數倫敦...