來到交通篇最後一集, 和大家談談單車. 英國政策 ; 價錢 ; Bike2Works ; 偷車 ; 英國政策 之所以會另開篇章談單車, 是因為和香港不同, 除了送外賣和在假日消閒之外, 單車在英國 (以至歐洲) 都是很常見的代步工具. 雖然英國談不上是全方位單車城市 (哥本哈根的騎單車經驗好太多了😇), 但是在英國政府為求舒緩擠塞問題, 而大力推廣單車之下, 英國處處都有方便單車的措施: 大部份馬路邊都有專屬單車徑, 紅綠燈前都有單車停泊位 (所以每天的繁忙時間都可以見到幾十部單車一同綠燈起步, 場面相當壯觀) 大城市都有很多單車租賃服務. 它們並不是共享單車, 是由私人公司經營或者贊助的. 政府應該會有補貼因為價錢實在太便宜, 踩足一天只需要幾鎊. 但由於它們是自助性質, 所以要用 Debit / Credit Card 再加專屬的手機 app 才可以租. 對於初來報到的IT狗來說實在是太複雜了, 所以放棄 除了Motorway和少部份特別標示不可騎單車的路外, 大部份馬路和行人路都可以踩單車, 暢通無阻, 沒有香港單車徑 "斷截禾蟲" 的問題 絕大部份司機對單車都非常禮讓, 如果馬路沒有單車徑而超車是有危險的話, 他們會減速至安全速度和距離讓單車繼續前進, 不會響鞍, 為免嚇親單車手 (試想像如果係香港, 九條命都唔夠死) 駕駛有針對單車的條例, 一定要遵守才可以及格, 例如前面有彎位或者雙白線不可以爬頭等等 價錢 說了這麼多, 是不是心癢癢想立即"出車"呢? 不用急, 首先你要檢查清楚你有多少錢, 因為 單車在英國是非!常!貴! 以一手單車為例, 普遍價位在一千鎊左右, 即係差不多一萬港紙! 而且, 不要以為這個價格一定是好東西, 一千鎊只可買到一台最簡單, 厚軚 / 可轉波 (無錯, 只可二揀一), 仲要大大部不可摺的單車. 如果要有齊基本裝備, 價錢起碼要二千鎊. IT狗有同事前排買了一部五百鎊的特價單車, 踩了一會行人路就爆了軚, 原因是輪軚太簿給碎石割破了...... 相對之下, 一部二手車普遍只需要五千鎊以上, 即是一部二手車只可以換三/四部耐用的單車...可想而知有多誇張 Bike2Works 不過, 政府為了幫助人"出車", 非常 ...

今星期和大家談談巴士, 的士和Private Taxi. 巴士介紹 ; 巴士行程計劃 ; 巴士站 ; 巴士付車資 ; 的士 ; Private Hire ; 巴士介紹 倫敦巴士給人最大的印象就是 紅巴士 , 直至今日仍然正確. 而且流線型的車身, 對比香港"金巴"那種四四方方的設計, 可以說是懷舊和潮流兼備. 新款巴士 舊款巴士 (類似型號在香港早已退役) 乘巴士最大的好處是便宜 (整個倫敦劃一收費 1.5 鎊), 可以欣賞街景, 和 沒!有!Roadshow! 對比地鐵來說, 由於是在地上行走, 所以乘車途中上網可謂暢通無阻 (不過地鐵正在推行站內 wifi, 所以這個優勢不是太明顯). 壞處方面, 除了會塞車和慢, 由於有很多醉酒鬼和面目猙獰的黑人會選擇乘巴士, 所以深夜時份可能會有少少擔驚受怕... 巴士行程計劃 推薦 Citymapper apps. 因為它能提供實時到站資訊, 和比Google提供更多路線建議 (有時甚至比Google更準確). 而且可以查詢特定路線的所有停站, 十分方便. 巴士站 每個倫敦的巴士都有一個英文編號, 十分系統化. 而家絕大部份的巴士站都有附近巴士站的地圖, 基本上不會上錯車 這個站的編號就是 "MA" 巴士付車資 由於倫敦政府大力推廣 Contactless 支付, 所以除了現金 (其實 so far 都沒見過有人付現金) 外, 可以用 Oyster card (類似八達通, 有每日支付上限, 即超過上限就不收費) Contactless Debit card (本地人專用) Contactless Credit card (不建議使用) 有 NFC 的手機, 即 Apple Pay / Android Pay 可能現金真的不太流行, 又或者大部份司機都十分 hea, 如果 Contactless 機有故障, 司機都十分樂意讓人免費乘車. 反而在香港則試過被司機強逼用現金付款... 外國主要都是講求自律, 落車閘竟然都有付款機, 任意讓人上車付款...在香港應該會被司機趕下車... 的士 英國不同地區都有不同的的士公司和顏色, 例如倫敦是黑色的, IT狗居住的 Surrey C...

上次 講左火車, 今次講下倫敦地鐵. 地鐵介紹 ; 買飛 ; Zone ; 入閘 ; 搵月台 ; 上網 ; 關愛座 ; 行乞 ; 地鐵介紹 (因為IT狗主要係倫敦附近做廢青, 所以今次係講倫敦地鐵) 倫敦 地鐵 , 當地人叫做 Underground 或者 Tube. 相傳因為隧道半圓型似一條水管. 實際上車廂以至車門上半截都係圓拱型既, 所以鬼佬高D既話好易俾車門撞到個頭 以大城市黎計, 倫敦地鐵 算係簡單, 幾乎全部係一個月台一條線, 每條線用唔同顏色黎分 行經市中心或者大部份旅行景點既有: 深藍色 Piccadilly Line 黑色 Northern Line 棕色 Bakerloo Line 紅色 Central Line 黃色 Circle Line 綠色 District Line 灰色 Jubilee Line 淺藍色 Victoria Line 湖水綠 ( 雙間) DLR, 即係架空列車 比較少搭既: 湖水綠 Waterloo & City Line . 呢條線比較特別, 只係得兩個站, 主要係平日返工來往Waterloo Station (西南交通樞紐) 同Bank Station (傳統金融區) 粉紅色 Hammersmith & City Line 紫色 Metropolitan Line 橙色 ( 雙間) Overground Line . 非常龐大既地上鐵路網絡, 但由於主要係中心區外圍行駛, 所以要搭既機會唔多 買飛 最方便就係買張 Oyster Card , 即係八達通, 正如 機場篇 所講, 同時享受埋佢每日既收費上限, 同一日搭得愈多愈抵. 唯一唔好處係要俾按金, 不過可以退既 如果黎旅遊, 一連幾日都會搭地鐵的話, 可以買唔同日數 (例如7日) 任搭既 Travel card , 計番每日會平過Oyster card既上限 當然可以買單程票 (Single Ticket), 但除左有錢就是任性之外, 諗唔到點解要買 (本地人專用) 如果有本地銀行既 Contactless Debit card, 可以當 Oyster Card 咁"嘟" Zone 無論係櫃位定係售票機買飛, 都要搞清楚起點同目的地既...

上回 提到希斯路機場既對外交通, 今次就同大家講下倫敦, 以至於英國既交通工具. 行程計劃 ; 火車介紹 ; 火車買飛 ; 火車查飛 ; 火車心得 ; 行程計劃 係決定搭咩車之前, 首先係要知道起點終點附近有咩車站. 除左Google大神之外, 住係倫敦, Manchester同Birmingham仲可以用Citymapper Apps, 真係超好用: 基本上涵蓋所有火車, 地鐵, 巴士, 輕鐵既Real-time班次資料. 就算係之後出發都可以知道個陣幾時有車 如果有突發事件, 例如停駛 / 罷工, 個apps都會有通知, 唔駛逐個官方網址慢慢查 本身附有Offline 地鐵 / 火車圖 , 就算係地底收唔到都睇到 睇番香港, 運輸處一句"商業機密"就話拎唔到地鐵巴士既Real-time Data (諷刺既係, 相對古老同最受政策打壓既電車反而俾到喎...). D巴士官方Apps既所謂報時 又廢到無倫(都係既, 報到咁準又點可以隱瞞"鬼班次"), 咁人地英國D資料又唔機密既, "創新科技局"嗰位楊局長除左聲大大話見過Steve Jobs之外, 一句聲都無出過. 創新? 邊L到創? 真係笑大人個口 火滾到離左題...而家介紹下唔同既交通工具啦: 火車介紹 要跨城市旅遊, 火車係最方便 (但一D都唔平!) 既選擇. 英國火車主要由幾間公司營運唔同既區域. 例如IT狗住既西南區就係由Southwest train壟斷. 其餘仲有Southern train (呢間火車線好短, 但成日有罷工停駛), Virgin train (維珍集團係英國百足咁多爪, 好似誠哥間和黃咁)等等 如果要plan行程, 強烈唔建議去 官方網址 , 因為做得好差, Load得又慢, IT狗真係接受唔到. 反而另一個叫 Trainline 既做得唔錯, 可以查時間, 查月台, 查之後既班次. 佢地個App甚至可以用黎買飛. 之後再去月台拎飛 or 直接show mobile ticket, 搞掂! 火車買飛 可以上官網買再去車站拎, 可以即場係車站買, 亦可以用Apps買 1. 網上 買, 再到車站拎 用呢個方法最主要係因為愈早買, 愈大機會執到平飛, 價格可以慳一半以上...

幾經辛苦, 終於"夾"埋我心愛既小喵黎到人生終極既旅行目的地 - 歐洲, 仲可以留幾年 喪玩 努力工作. 諗起唔駛交稅俾政府 整大白象工程 建設香港, 係開心仔既. 坐左十幾粒鐘飛機, 兩個吽吽斗斗咁黎到雖然得兩條跑道, 但都比赤蠟角起三跑之後更有效率既Heathrow Airport. 第一時間當然查下去倫敦市中心既交通啦. 撇除D大路野即係的士 / Uber (無錯, 英國無拉人封艇呢回事) / 行路, 基本上有以下幾種方法: 1. 機場快線 ( Heathrow Express ) 最快但係最貴. 聲稱15分鐘可以到倫敦既Paddington地鐵站 (Tube Station). 由於IT狗'那有錢', 所以無搭 2. 地鐵 ( Tube ) 倫敦地鐵叫Tube, 相傳因為隧道半圓型似一條水管. 不過都聽過有人叫 Metro / Underground (可能抄美國叫法). 機場係地鐵藍色線既終點. 由機場站去到市中心 (例如同一條線既King's Cross Station) 大概70分鐘. 跟住你就可以衝去9 3/4 月台 轉魔法列車去霍格華滋 拍照留念... 3. 機場巴士 (Coach) 如果想平D可以揀旅遊巴 ( National Express ), 座位大而舒服, 而且有好多倫敦以外既線, 由近近地既Oxford到中部既Manchester都有 (坐6個鐘...), 唔駛拎住D行李轉黎轉去. 不過有可能會塞車, 脫班, Delay (個司機仲會寸9你或者唔理你), 滿座, etcetc 4. 本地紅巴士 (Local bus) 如果想體驗下充滿英倫風既雙層紅巴士可以一試. 時間最耐但價錢最平. 不過由於IT狗仲未熟路線, 而且遲下係倫敦大把機會坐, 所以無揀到 如果真係要搭, 記得問清楚個站既 symbol, 倫敦所有巴士站都會用英文字母做標記, 例如A, B, C. 用黎識別同一條街既唔同巴士站, 一清二楚 揀好交通公具, 只要係機場跟住頭頂既指示牌就得, 呢個就唔再講啦... 補充 1. 如果選擇搭地鐵或者紅巴士, 強烈建議係地鐵站出番張八達通 ( Oyster Card ). 佢唔似香港可以用黎買野同食野, 佢只可以用黎搭地鐵, 巴士, 同埋少數倫敦...