英國交通 | 行程計劃 | 火車

上回提到希斯路機場既對外交通, 今次就同大家講下倫敦, 以至於英國既交通工具.
  1. 行程計劃;
  2. 火車介紹;
  3. 火車買飛;
  4. 火車查飛;
  5. 火車心得;
行程計劃
係決定搭咩車之前, 首先係要知道起點終點附近有咩車站. 除左Google大神之外, 住係倫敦, Manchester同Birmingham仲可以用Citymapper Apps, 真係超好用:
  • 基本上涵蓋所有火車, 地鐵, 巴士, 輕鐵既Real-time班次資料. 就算係之後出發都可以知道個陣幾時有車
  • 如果有突發事件, 例如停駛 / 罷工, 個apps都會有通知, 唔駛逐個官方網址慢慢查
  • 本身附有Offline 地鐵 / 火車圖, 就算係地底收唔到都睇到
睇番香港, 運輸處一句"商業機密"就話拎唔到地鐵巴士既Real-time Data (諷刺既係, 相對古老同最受政策打壓既電車反而俾到喎...). D巴士官方Apps既所謂報時 又廢到無倫(都係既, 報到咁準又點可以隱瞞"鬼班次"), 咁人地英國D資料又唔機密既, "創新科技局"嗰位楊局長除左聲大大話見過Steve Jobs之外, 一句聲都無出過. 創新? 邊L到創? 真係笑大人個口

火滾到離左題...而家介紹下唔同既交通工具啦:
火車介紹
要跨城市旅遊, 火車係最方便 (但一D都唔平!) 既選擇. 英國火車主要由幾間公司營運唔同既區域. 例如IT狗住既西南區就係由Southwest train壟斷. 其餘仲有Southern train (呢間火車線好短, 但成日有罷工停駛), Virgin train (維珍集團係英國百足咁多爪, 好似誠哥間和黃咁)等等

如果要plan行程, 強烈唔建議去官方網址, 因為做得好差, Load得又慢, IT狗真係接受唔到. 反而另一個叫 Trainline 既做得唔錯, 可以查時間, 查月台, 查之後既班次. 佢地個App甚至可以用黎買飛. 之後再去月台拎飛 or 直接show mobile ticket, 搞掂!

火車買飛
可以上官網買再去車站拎, 可以即場係車站買, 亦可以用Apps買
1. 網上買, 再到車站拎
用呢個方法最主要係因為愈早買, 愈大機會執到平飛, 價格可以慳一半以上. 同時係長途車上亦可以劃定位, 唔駛企幾個鐘...

2. 車站Counter
唔怕買錯飛, 因為上文講到英國火車有peak hour既概念, Counter會幫你計啱車錢

3. 車站自動售票機
買即日/ 短途(無特價飛)既好選擇, 因為唔駛慢慢排隊. 但要留意部機有冇寫明 Coins accepted / Notes accepted. 因為英國 Debit card 當道, 接受入錢既機買少見少... 好多機仲接受買定聽日既飛同7日任搭套票, 但IT狗無乜買過

4. Mobile Ticket
上面介紹既Trainline Apps都可以用黎買飛, 仲可以顛到入左閘上埋車先買都得. 有職員查飛就俾部手機佢睇. IT狗只係試過一次, 唔知其實駛唔駛去車站拎番張飛

火車查飛
IT狗最深刻既經歷就係一到夜晚D閘會開哂, 車站頓成無掩雞籠, 基本上你唔買飛都可以搭車,.,不過好少人會咁做, 因為第一, 外國人真係相對自律; 第二, 雖然車站無人但車箱入面仍然會有職員查飛, 如果無買飛要賠二十鎊 (賠錢事小, 無面事大, 皆因成個車箱都知你7左, 成程車都笑到你面黃, 仲慘過大叫"我愛蔡楓華"); 第三, 大部份人都買哂月票, 根本唔駛走票.

咁點解無啦啦車站會開哂D閘咁好死呢? 原因係英國火車D車飛只係一張爛鬼紙, 成日都唔Work, 如果D職員放左工而你張飛壞左既話就連火車都搭唔到, 所以車站就開哂閘俾人入去費事俾人投訴. 至於點解唔請D夜更員工留守, 一句講哂 - Work-life Balance. D人睬你都傻, 而且車站員工好多都係拎緊最低工資仲會同你博命咩

火車心得
係英國搭火車, 真係可一不可再, 原因三個字 - 好!L!貴!!! IT狗搭一個站去倫敦返工, 車程30分鐘, 平日單程要17鎊, 來回要20鎊. 週末單程要12鎊, 來回要14鎊, 即係搭一次都要過百港紙!!!
如果要去遠途, 例如由倫敦去中部既利物浦, 週末單程要90鎊, 即係差不多要成千蚊!!! 貴過搭內陸機之餘, 仲要坐成五個鐘!!! 呢個時候你就會知預早搶平飛, 同買月票 (可以慳一成左右) 係幾咁重要.
不過要慳錢都唔係無方法, 本地人可以買有折頭既Railcard, 例如好多Working Holiday朋友都用既 16-25歲 Railcard, 同最啱同行密友既 Two-Together Railcard.
遊客方面, 可以買幾日之內任搭既 Season Ticket,

搭火車第二個缺點就係質素問題, 正如上面所講, 好多員工其實只係拎緊最低工資, 外國既工會又好鬼勁抽, 唔似香港既工聯會咁 出賣工人 維護公司利益. 所以罷工, 停駛, 壞車, Delay 係家常便飯...尤其係週末, 班次勁疏之餘仲成日有所謂既 Engineering work, 再用架巴士黎敷衍你. (DLLM, 我就係因為火車快過巴士先搭者, 我駛鬼用燒鵝價錢, 食甘蔗味道?)

不過搭火車都有好處, 第一就係幾點開車就幾點到車站都得. 第二係方便扮文青, 想像下係火車行到發發聲個陣, 托住個腮, 側頭望住窗出面發吽斗, 順便思考下今晚食乜餸. 咁既相擺上IG再落番個 #旅行就是尋回自己, 到時D Likes 無一萬都有幾千啦, 係咪先?

講住咁多先, 下集繼續
交通篇其他文章

Comments

Post a Comment

Popular posts from this blog

英國考車 | 學車

無驚無險, 過了 筆試 , 下一步就是學車了 駕駛學校 ; 學車 ; 程序 (Routines) ; Manoeuvre ; 駕駛學校 首先, 英國並無法例規定一定要找師傳學車. 只要有一個三年駕駛經驗以上的人教你和陪你練車就可以. 換句話說, 如果你家裡有車, 你可以找親戚陪你練車, 慳回不少學費 (這些機會不是我的😭) 這也是為什麼一些駕駛學校的網頁內有 "Suggested learning hours" 和 "Suggested driving hours" 之分. 至於駕駛學校, 英國最大是以下三間: BSM . 學員數目曾經是全英國最多. 2011年被 AA 以1鎊 收購 之後仍然以 BSM 營運. 難怪IT狗報名時發現它的網頁 Redirect 去 AA 的 Domain (職業病...) AA RED 由於英國太大 (對比香港來說), 每個師傅只會教特定地區的學生. (例如住愛丁堡的師傅不會山長水遠教倫敦的學生). 所以駕駛學校愈大, 它在每個地區就有愈多師傅坐鎮. 這對於學生來說都是好事: 萬一你和一位師傳"火星撞地球"時, 學校都有另一位頂上. 當然你可以選擇比較便宜的小學校, 但 IT狗覺得學費的差異彌補不了換師傅的不便, 所以 IT狗選擇了BSM. 學費方面, 首10小時是每小時22鎊, 之後是每小時27鎊. 英國是沒有包合格課程的, 所以總學費視乎天份和運氣. IT狗就學了38小時, 總數是 22 x 10 + 27 x 28 = 976鎊 (破產了...) . 以IT狗完全新手, 兼且不能私下練車來說已經算超額完成了. 政府建議新手學 45 小時 + 22 小時私下練習, IT狗足足省了 29小時 = 783鎊!!! 還有一個和香港不同的地方, 就是師傅會親自駛到你家門口接你去學車, 所以第一堂已經是在馬路練習, 新奇好玩又刺激. 學車 在學車前, 先要決定手波還是自動波. 歐洲還是手波車當道, 租車費亦較便宜, 所以 IT狗選擇了手波. 阿sir是一名聲稱教了13年, "只為興趣不為錢"的中東人, 除了常常吹噓他的學生有多容易合格, 和逼我看他的面書外 (只有合格學生的照片, 其餘什麼也沒有,...
Read more

英國考車 | 學車 | 路試

學車困難 作為"真"新手, IT狗學車時主要遇到以下難題: 所有名詞要記英文, 什麼 Clutch, head restraints, bonnet, 真的要查字典才懂. 阿sir 常常逼人玩 "Commentary Drive", 意即邊駕駛邊說出見到什麽, 要作何反應. IT狗是英文差的思考型, 口比腦慢之餘, 還要花時間做英文翻譯才說出來. 所以一開始不是"只說不做", 就是"只做不說", 常常被誤會反應慢 / hang 機. 沒有時間練習踩 Clutch, 常常開車死火. 迴旋處太少時間行 MSSPL 和 LADA Routines, 而且常常不夠膽開車. 後來明白是心理遊戲, 只要有信心就改善了好多. 掌握不到轉波的時機. 阿sir說靠引擎聲音, 但除了 1波轉 2波外, IT狗很難聽得出分別. 後來改用速度來決定最佳的波段, 問題改善了很多. 轉彎時忘記轉二波. 掌握不到車輛在行車道的位置, 不是太近路邊, 就是太近馬路中線. 考車 學了幾十小時, 終於可以報考了. 過程簡單, 和筆試差不多, 完全 online 搞定 及格需要 15個或以下的小錯誤 (Minor faults) 沒有任何大錯誤 (Major faults) 考試形式 Eyesight check. "Show me, tell me" questions. 考官會問你兩條問題, 答錯一條當一個 minor fault. 所有問題可以在官網溫習 (Link). General driving ability. 考官會給你指示駕駛, 中途突然叫你停車再開車來測試反應. 為時大概10-15分鐘. Reverse vehicle. 考官會從上篇三種 Mauoeuvre 隨機抽一種來考核. Independent driving. 考官會說出目的地, 讓你看路牌來駕駛. 為時10分鐘. 注意: 由2017年12月4日開始, 考核內容會有更新. 當中最嚇人的是 Independent driving 加長至 20分鐘, 而且有三份一機會要聽導航指示. 所以IT狗一定要在 12月前考到. 考試過程十分簡單, 阿sir會載你到考場, 登記完...
Read more

英國交通 | 單車

來到交通篇最後一集, 和大家談談單車. 英國政策 ; 價錢 ; Bike2Works ; 偷車 ; 英國政策 之所以會另開篇章談單車, 是因為和香港不同, 除了送外賣和在假日消閒之外, 單車在英國 (以至歐洲) 都是很常見的代步工具. 雖然英國談不上是全方位單車城市 (哥本哈根的騎單車經驗好太多了😇), 但是在英國政府為求舒緩擠塞問題, 而大力推廣單車之下, 英國處處都有方便單車的措施: 大部份馬路邊都有專屬單車徑, 紅綠燈前都有單車停泊位 (所以每天的繁忙時間都可以見到幾十部單車一同綠燈起步, 場面相當壯觀) 大城市都有很多單車租賃服務. 它們並不是共享單車, 是由私人公司經營或者贊助的. 政府應該會有補貼因為價錢實在太便宜, 踩足一天只需要幾鎊. 但由於它們是自助性質, 所以要用 Debit / Credit Card 再加專屬的手機 app 才可以租. 對於初來報到的IT狗來說實在是太複雜了, 所以放棄 除了Motorway和少部份特別標示不可騎單車的路外, 大部份馬路和行人路都可以踩單車, 暢通無阻, 沒有香港單車徑 "斷截禾蟲" 的問題 絕大部份司機對單車都非常禮讓, 如果馬路沒有單車徑而超車是有危險的話, 他們會減速至安全速度和距離讓單車繼續前進, 不會響鞍, 為免嚇親單車手 (試想像如果係香港, 九條命都唔夠死) 駕駛有針對單車的條例, 一定要遵守才可以及格, 例如前面有彎位或者雙白線不可以爬頭等等 價錢 說了這麼多, 是不是心癢癢想立即"出車"呢? 不用急, 首先你要檢查清楚你有多少錢, 因為 單車在英國是非!常!貴! 以一手單車為例, 普遍價位在一千鎊左右, 即係差不多一萬港紙! 而且, 不要以為這個價格一定是好東西, 一千鎊只可買到一台最簡單, 厚軚 / 可轉波 (無錯, 只可二揀一), 仲要大大部不可摺的單車. 如果要有齊基本裝備, 價錢起碼要二千鎊. IT狗有同事前排買了一部五百鎊的特價單車, 踩了一會行人路就爆了軚, 原因是輪軚太簿給碎石割破了...... 相對之下, 一部二手車普遍只需要五千鎊以上, 即是一部二手車只可以換三/四部耐用的單車...可想而知有多誇張 Bike2Works 不過, 政府為了幫助人"出車", 非常 ...
Read more